01.12.2015

Schummertied an d┤ Deep

Ik bün an d´ Kanaal langs keiert. Dat rook al so na Sneei ...

Schummertied an d´ Deep

In Töversneei liggt nu dat Band,
heel sinnig strickt de Deep dör ´t Land,
draggt Iesplaggen up d´ Rügg.

De Ulenflüggt sien Füürbedriev
farvt Water to en goldklöörd Liev,
de tüngelt hen na d´ Brügg.

Dat Undeer ut Seewievkes Riek
verpuust sük nich un gliddt pielliek
up d´ Kimm an, na sien Bruud.

Wo he hör eit! Wo se sük reckt!
Bit dat de Maan de Vörhang treckt,
un knipst dat Füürwark ut.